Kryeministri Edi Rama lajmëroi se nuk do të ketë një proces të përshpejtuar për Shqipërinë, sa i takon integrimit në Bashkimin Evropian.
Kryeministri Rama lajmëroi se nuk do të ketë një proces të përshpejtuar për Shqipërinë s ai takon integrimit në Bashkimin Evropian.
I pyetur se në kohën kur Shqipëria po diferencohet, për shkak të përparimit të saj, përse nuk ka një korsi të shpejtë, kryeministri tha se diçka e tillë nuk ekziston. Ai tha se nuk ka një datë dhe as korsi preferenciale në këtë proces.
Kreu i qeverisë shqiptare nga konferenca me Macron u ndal edhe në rrugën që ndjekin vendet e BE për zgjerimin. Sipas kryeministrit, “do duhet pak kohë që mesazhi i presidentit i cili është një risi për qasjen ndaj rajonit të thyejë veshin e të gjithë atyre që janë shumë të interesuar për këtë proces por që janë edhe të mësuar që ta shikojnë këtë proces vetëm në rrugën tradicionale.”
“Çdo ditë e më shumë në një botë që komplikohet, domosdoshmëria e thyerjes, komplimentarizimit të kësaj rruge tradicionale me një rrugë paralele ku vendeve t’u jepen më shumë hapësira dhe ku bashkimi i Europës të bëhet praktik dhe të behët përditë e më i prekshëm nga të dy palët.
Nuk ka korsi preferenaciale në këtë proces. Ne duhet të vazhdojmë në frymën e atij amaneti që nga koha e Skënderbeut tek rilindasit tanë dhe më pas tek njerëzit tanë, që në shekuje kanë dashur Europën si të tyren.
Ne na duhet që detyrat e shtëpisë t’i bëjmë pa u nxituar, pa kërkuar korsi preferenciale.”, tha kryeministri nga konferenca e përbashkët me presidentin francez Emanuel Macron.